☕️Тааттаҕа чэйгэ сыһыаннаах тэрээһин ыытылынна
А.И. Софронов-Алампа аатынан Ытык Күөл оскуолатыгар саха тылын, литературатын учууталынан үлэлиир Маргарита Павлова 2019 сылтан «Чэбдигир» лааҕыры үлэлэтэр. Сайын оҕолор алаастарынан сылдьан, эмтээх оттору, үүнээйилэри хомуйаллар, ыраастаан, хатараллар.
Кучу оту ферментациялыыллар. Кыһынын барытын наардаан, холбоон, суруктаах-бичиктээх хааҕа суулаан, «Таатта чэйин» оҥорон, атыыга таһаараллар.
Ыам ыйын 13 күнүгэр чэйгэ сыһыаннаах ураты тэрээһин буолла. Кылаастар бу бары норуокка баар утах туһунан кынаттаах тыллары, таабырыннары, өс хоһооннорун булан кэлбиттэр, ийэлэрин кытта чэй туһунан хоһоон айбыттар.
Ону тэҥэ кылаастарынан чэйгэ ураты болҕомто ууран, остуол тартпыттар. Бурдук аһынан, араас барыанньанан, эмтээх отторунан, омук чэйдэринэн ситэрэн-хоторон биэрдилэр.
Ону таһынан, дьиэ кэргэн харах харатын курдук харыстыыр ытык малын - алтан чаанньык, сылабаар, молуоһунньук, бардарар туһунан кэпсээтилэр. Маны тэҥэ чаанньык мунньар коллекционердар, түмэл үлэһиттэрэ ыҥырыынан кэлэн, сэргэх сэһэни сэгэттилэр.
Бастыҥ кылаастар «Чайная карта России» диэн Россия күрэһигэр кыттан, матырыйаалларын ыытыахтара.
☕️Тааттаҕа чэйгэ сыһыаннаах тэрээһин ыытылынна А.
