✅Альберт Семенов Өрөспүүбүлүкэ болуоссатыгар аат иҥэрии сокуоннайын туһунан санаатын эттэ
Дьокуускай куорат Думатын бэрэссэдээтэлэ Альберт Семенов СӨ Үрдүкү суута Дьокуускай болуоссатыгар «Өрөспүүбүлүкэ болуоссата» диэн ааты иҥэриини сокуоннайынан аахпытын туһунан санаатын үллэһиннэ.
«Ыам ыйын 19 күнүгэр СӨ Үрдүкү суута Дьокуускай куораттааҕы Дуума депутаттара Дьокуускай куоракка уопсастыбаннай эйгэ сорҕотун «Өрөспүүбүлүкэ Болуоссата» диэн ааттыыр туһунан ылыммыт быһаарыыларын сокуоннайынан аахпыта.
Биһиги ылыммыт быһаарыыбыт сөптөөх диэн бастакыттан эрэллээх этибит. Бу ыарахан үлэ улахан суолталаах түмүгэ уонна сокуон быһыытынан уонна куорат бары олохтоохторун интэриэстэрин учуоттаан дьаһалы ылыммыппытын бигэргэтии.
Ленин болуоссата биһиги куораппыт биир сүрүн киин болуоссатынан хаалар. Саха АССР төрүттэниитигэр уонна сайдыытыгар В.И. Ленин киллэрбит кылаатын бары билэбит. Биһиги историябытын ытыктыыбыт уонна убаастыыбыт, уонна бу историческай сир куораппыт үгүс көлүөнэлэригэр улахан суолталаах буолбутун өйдүүбүт. Ол иһин Ленин болуоссата уонна кини пааматынньыга оннугар тураллар.
«Өрөспүүбүлүкэ болуоссата» диэн болуоссакка аат иҥэриитэ өрөспүүбүлүкэбит бары олохтоохторугар ытыктабыл, историяны хаттаан суруйа сатааһын буолбатах. Өрөспүүбүлүкэбит киин куоратын саамай киинигэр турар саҥа, аныгы уопсастыбаннай сир Саха сирин элбэх омуктаах норуотун сөҕүмэр сомоҕолоһуутун, доҕордоһуутун көрдөрөр.
Ылыллыбыт быһаарыы биһиги уопсастыба быһыытынан инникигэ тардыһыыбыт, уопсай дойдубутун – Россияны кытта сомоҕолоһон сайдыыбыт, урукку көлүөнэлэр ситиһиилэригэр ытыктабылбытын бэлиэтинэн буолла».
✅Альберт Семенов Өрөспүүбүлүкэ болуоссатыгар аат иҥэрии сокуоннайын туһунан санаатын эттэ Дьокуускай куорат Думатын бэрэссэдээтэлэ Альберт Семенов СӨ …
