БОЛҔОЙУҤ: ТҮӨКҮТТЭР САҤА СХЕМАЛАРА ‼️
«Аҕа дойду көмүскээччилэрэ» пуонда Саха сиринээҕи салаата түөкүннээһин тахсыбыт түбэлтэлэрин туһунан ытыктабыллаах бойобуой дьайыы бэтэрээннэрин уонна Аҕа дойду көмүскээччилэрин дьиэ кэргэттэрин сэрэтэр.
ТУОХ БУОЛА ТУРАРЫЙ?
Биир региоҥҥа СВО кыттыылаахтара күн сириттэн күрэммиттэрин кэннэ аймахтарыгар (кэргэттэригэр, ийэлэригэр) биллибэт дьонтон эрийии уонна суруктары ыытыы бэлиэтэннэ. Кинилэри ыам ыйын 23 күнүгэр араас таһымнаах дьаһалталарга — өрөспүүбүлүкэ бырабыыталыстыбатыттан саҕалаан тыа сирин бөһүөлэктэригэр тиийэ наҕараадалары туттарыыга былааннаммыт тэрээһиннэргэ ыҥыраллар.
ЧАХЧЫЛАР:
🚫 «Аҕа дойду көмүскээччилэрэ» пуонда дьиэ кэргэттэри эрийэн бэрэбиэркэлээн, маннык ыҥырыылар 10-тан итэҕэһэ суох түбэлтэлэрэ бигэргэннэ (төлөпүөнүнэн уонна мессенджердэр нөҥүө).
🚫 Суруктары (сообщениялары) уларыйа сылдьар нүөмэртэн ыыталлар.
🚫 Наҕараадалары туттарар тэрээһиннэр туһунан иһитиннэрии сымыйа буолар.
ТУОХ ОҤОҺУЛЛАРЫЙ?
Быраап харыстабылын уорганнара бэрэбиэркэни ыыталлар. Бу балаһыанньа туһунан федеральнай куттал суох буолуутун сулууспатын управлениетын регионнааҕы салаатыгар иһитиннэриллибит. Араас таһымнаах дьаһалталар албыннаппыт дьон элбээбэттэрин туһугар үлэһиттэр дьуһуурустубаларын тэрийдилэр.
ТУГУ ГЫНАБЫТ?
✅ Билбэт дьон эрийдэҕинэ уонна сурук (сообщение) суруйдаҕына итэҕэйимэҥ.
✅ Сэрэхтээх рассылка сигэлэринэн кииримэҥ.
✅ Тус дааннайдары уонна кодтары биэримэҥ.
✅ Иһитиннэриини бэйэҥ социальнай координаторын эбэтэр пуонда официальнай ханаалларын нөҥүө бэрэбиэркэлээҥ.
‼️ Сэрэхтээх буолуҥ! Эһиэхэ маннык эрийдэхтэринэ эбэтэр сурук кэлбит буоллаҕына — тута социальнай координаторгытыгар биллэриҥ. Чугас дьоҥҥутун сэрэтиҥ — биһиги бары бииргэ түөкүттэри утары охсуһабыт!
Хаартыска: #ЗащитникиОтечестваЯкутия
БОЛҔОЙУҤ: ТҮӨКҮТТЭР САҤА СХЕМАЛАРА ‼️ «Аҕа дойду көмүскээччилэрэ» пуонда Саха сиринээҕи салаата түөкүннээһин тахсыбыт түбэлтэлэрин туһунан ытыктабылла…
