II республиканский конкурс чтецов «Таптыыбын Сахам сирин»
Тэрийээччилэринэн Дьокуускай куорат Н.И. Шарин аатынан 39-с нүөмэрдээх орто оскуола уонна Саха Өрөспүүбүлүкэтин Национальнай бибилэтиэкэтэ буоллулар.
Оҕо төрөөбүт тылынан хоһоону уус-ураннык таба ааҕар үөрүйэхтэрин үөрэтии, ааҕар дьоҕурдарын сайыннарар. Оҕоҕо төрөөбүт дойдуга тапталы, бэриниилээх буолууну, киэн туттууну иитэр сыаллаах буолла.
Ааҕыы күрэҕэр республика араас улуустарыттан уонна Дьокуускай куораттан кытыннылар.
Дьүүллүүр сүбэ састаабыгар Саха Өрөспүүбүлүкэтин Национальнай бибилэтикэтин Оҕо ааҕар, сайдар киинин үлэһиттэрэ уонна П.А. Ойуунускай аатынан Саха драматическай тыйаатырын эдэр кэскиллээх артыыһа Василий Белолюбскай.
Үс күн иһигэр дьүүллүүр сүбэ мустан, түмүктэри таһаарда.
Кыттааччыларга уонна уһуйааччыларга улахан махталбытын тириэрдэбит. Кыттааччылар ыыппыт матырыйааллара Саха Өрөспүүбүлүкэтин Национальнай бибилэтиэкэтин архыыбыгар киириэҕэ.
Уус-уран ааҕыы түмүгэ оскуола саайтыгар таҕыста https://ykt-s39.obr.sakha.gov.ru/news/front/view/id/3383429