04.04.2026 00:01
🔹Эһэбин булчут күнүн көрсө ахтабын 🔹Улууспут олохтоохторун, эр дьоммутун булчут күнүнэн эҕэрдэлиибин. 🔹Бүгүн олохпор с
🔹Эһэбин булчут күнүн көрсө ахтабын
🔹Улууспут олохтоохторун, эр дьоммутун булчут күнүнэн эҕэрдэлиибин.
🔹Бүгүн олохпор сааны илиибэр аан бастаан хаһан туппуппун санаан кэллим. Бэһис кылааһы бүтэрбит сылбар, саас, эһэм Тит Михеевич Окороков Быдай диэн сиргэ кустуу илдьэ барда.
Отут иккилээх, таһынан сомуоктаах, таайдарым, убайдарым илдьэ сылдьыбыт сааларын кэмэ кэлэн миэхэ туттарбыта.
Бастакы булдум чөкчөҥө этэ, долгуйбуппун, үөрбүппүн күн бэҕэһээ курдук өйдүүбүн.
Эһэбит- дьиҥ чахчы Байанай алгыстаах булчута, айылҕа оҕото этэ.
Булду идэ оҥостон, 16 сааһыттан убайыгар Феодосий Васильевичка сыстан түүлээхситтээбитэ. Убайа сааһыран булт суолуттан тохтообутун кэннэ, Григорий Егорович Скрябины кытта кадровай булчутунан идэтийэн үлэлээбиттэрэ. Киргиэлэйдиин иккиэн сүрдээҕин тапсан сылдьыбыттара, бэйэ-бэйэлэрин олус ытыктаһаллара. Элбэх сайын ходуһа күрүөтүн оҥорон, илиинэн от охсон, саас бииргэ кустаан сылдьыбыттара. Хаар түспүтүн кэннэ сохсолоон, туһахтаан, маҥан куобах бөҕөтүн аҕалар этилэр. Кыһын тымныыга андаатардыыллара. Биирдэ тууга 18 андаатар киирбитин
таайдарым билигин сөҕөн кэпсииллэр.
Эһэм саас куйуурдуурун олус сөбүлүүрэ. Саас - куска, сайын – от үлэтигэр биһигини батыһыннара сылдьан, барыбытын такайбыта, уерэппитэ.
Сааһын тухары дьиҥ чахчы айылҕа оҕото дэтэр булчут, сааһыт буолан, өбүгэ дьоммутуттан бэриллэн иһэр булка - аска, сиргэ- дойдуга сылдьан булгуччу тутуһуллар сиэри- туому уолаттарыгар, сиэттэригэр биһиэхэ уһуйан хаалларбыта, саҥата суох бэйэтин холобурунан дьиҥ сахалыы ииппитэ.
Уһун сылларга ыраах систэргэ да, чугас эргин да сылдьан идэтийэн туран булт арааһын сырсан сорсуннаах булчут этэ.
Бэйэтин көлүөнэ дьонун тэҥинэн үлэни өрө тутан, тус олоҕун оҥостон, алта оҕотун харытын күүһүнэн иитэн-аһатан, атахтарыгар туруоран, ыал оҥортоон, орто дойдуга ытык аналын сиэрдээхтик толорон барбыта.
Булчут күнүгэр биһигини ииппит-аһаппыт, такайбыт эһэм туһунан - аҕынным. Кини булчут быһыытынан оҕолоругар, биһиэхэ сиэннэригэр хаалларбыт үтүө суола билигин да күүһү - уоҕу уонна киэн туттууну аҕалар.
🔹Күндү улууспут булчуттара Баай Байанай оҕонньор куруук аттыбытыгар баар буоллун, "Мичик"-гынан булдуттан тосхойо турдун!
📱 @dmitriytikhon0v
🔹Улууспут олохтоохторун, эр дьоммутун булчут күнүнэн эҕэрдэлиибин.
🔹Бүгүн олохпор сааны илиибэр аан бастаан хаһан туппуппун санаан кэллим. Бэһис кылааһы бүтэрбит сылбар, саас, эһэм Тит Михеевич Окороков Быдай диэн сиргэ кустуу илдьэ барда.
Отут иккилээх, таһынан сомуоктаах, таайдарым, убайдарым илдьэ сылдьыбыт сааларын кэмэ кэлэн миэхэ туттарбыта.
Бастакы булдум чөкчөҥө этэ, долгуйбуппун, үөрбүппүн күн бэҕэһээ курдук өйдүүбүн.
Эһэбит- дьиҥ чахчы Байанай алгыстаах булчута, айылҕа оҕото этэ.
Булду идэ оҥостон, 16 сааһыттан убайыгар Феодосий Васильевичка сыстан түүлээхситтээбитэ. Убайа сааһыран булт суолуттан тохтообутун кэннэ, Григорий Егорович Скрябины кытта кадровай булчутунан идэтийэн үлэлээбиттэрэ. Киргиэлэйдиин иккиэн сүрдээҕин тапсан сылдьыбыттара, бэйэ-бэйэлэрин олус ытыктаһаллара. Элбэх сайын ходуһа күрүөтүн оҥорон, илиинэн от охсон, саас бииргэ кустаан сылдьыбыттара. Хаар түспүтүн кэннэ сохсолоон, туһахтаан, маҥан куобах бөҕөтүн аҕалар этилэр. Кыһын тымныыга андаатардыыллара. Биирдэ тууга 18 андаатар киирбитин
таайдарым билигин сөҕөн кэпсииллэр.
Эһэм саас куйуурдуурун олус сөбүлүүрэ. Саас - куска, сайын – от үлэтигэр биһигини батыһыннара сылдьан, барыбытын такайбыта, уерэппитэ.
Сааһын тухары дьиҥ чахчы айылҕа оҕото дэтэр булчут, сааһыт буолан, өбүгэ дьоммутуттан бэриллэн иһэр булка - аска, сиргэ- дойдуга сылдьан булгуччу тутуһуллар сиэри- туому уолаттарыгар, сиэттэригэр биһиэхэ уһуйан хаалларбыта, саҥата суох бэйэтин холобурунан дьиҥ сахалыы ииппитэ.
Уһун сылларга ыраах систэргэ да, чугас эргин да сылдьан идэтийэн туран булт арааһын сырсан сорсуннаах булчут этэ.
Бэйэтин көлүөнэ дьонун тэҥинэн үлэни өрө тутан, тус олоҕун оҥостон, алта оҕотун харытын күүһүнэн иитэн-аһатан, атахтарыгар туруоран, ыал оҥортоон, орто дойдуга ытык аналын сиэрдээхтик толорон барбыта.
Булчут күнүгэр биһигини ииппит-аһаппыт, такайбыт эһэм туһунан - аҕынным. Кини булчут быһыытынан оҕолоругар, биһиэхэ сиэннэригэр хаалларбыт үтүө суола билигин да күүһү - уоҕу уонна киэн туттууну аҕалар.
🔹Күндү улууспут булчуттара Баай Байанай оҕонньор куруук аттыбытыгар баар буоллун, "Мичик"-гынан булдуттан тосхойо турдун!
📱 @dmitriytikhon0v