Чулпан Фаритовна, хәерле көн.

Чулпан Фаритовна, хәерле көн. Мин дә бу юлы сорау гына түгел, фикеремне дә языйм әле. Балалар, уллар, кызлар турында. Гомумән алам бу теманы. Чөнки бик күп килен, кайнана, малайның кыз белән торасы килә, әни кеше нишләргә дә белми ише хатлар укырга туры килә... Берсен дә гаеп итеп түгел, просто үзем анализлап килгән фикеремне языйм әле. Бәлки берәрсенә файдасы тияр, бәлки килешмәүчесе булыр. Анысы башка мәсьәлә. Шулай итеп... Мин үзем 70 еллар баласы, 90 елларда килен булдым. Ирем белән бүген дә исән сау яшәп ятабыз. Кайнана белән дә яшәдем. Төрле чак булды. Безнең вакытта аерылып кайту хурлык санала иде. Түзде түзеп яшәргә кирәк дигәне. Үзен үзе беренче урынга куючысы түзеп яшәмәде ул чакта да. Кеше фикере, тегесе монысы дип тормады. Кайнанасын урынына утыртучысы бар иде ул чакта да. Йортка кереп торучы ирләр дә бар иде. Төпчек малай дип тормадылар, шатырдатып төп нигездән алып китүче булдыклы киленнәр дә хайран иде... Карап карап укып барам да бигрәк әүлия булып кыланасыз түгелме чордашлар? Минем улым да бик матур гына яшәп ята иде калада. Бер кыз белән танышып, йөреп киттеләр. Кызның фатиры булган. Бергә яшибез диделәр дә бергә яши башладылар. Яшәп торалар. Никах дип әйтеп куям. Соңрак диделәр. Ну, җә, мин нишләргә тиеш ди хөрмәтле экспертлар? Дөрес яшәүче ханымнар? Барып малайны җыеп алып кайтыргамы? Я инде әле булмаган килен белән кычкырышып, чәченнән сөйрәп кыйнап кайтыргадыр бәлки? Юк, ханымнар! Сабыр иттем әле. Хәзер яшьләр бөтенләй башка. Алар укымышлы, интернет челтәрләрендә төрле психологлар, коучлар үз-үзеңне яратырга, сиңа турыдан-туры кагылмаган әйбергә кысылмаска, шулай да үз фикереңне кыю рәвештә белдерергә, син беркемгә дә бернәрсә дә тиеш түгел, бүген яшә, бүген бәхетле бул дип сөйләгәнне ишетеп торучы буын. Без үзебез шундый буын тәрбияләдек. Алар бездән бәхетлерәк, безгә караганла байрак, иреклерәк булсын дип тырыштык. Хәзер инде нинди буын дип аптырап утырабыз. Имеш килен роллы, суши ашата балага. Бу язуым белән нәрсә әйтәсем килә - сабырлык һәм акыл белән генә һәр сорауга җавап табып була. Вакыты җиткәч, малайны да итәк астыннан җибәрер чак җитә. Бу нормально. Ул үзенең язмышын үзе төзи. Аларга бергә яшәргә комфортно икән-яшәсеннәр. Минем малайның да квартирасы бар. Аны сдавать итәләр. Икесенең дә эшенә якынрак территория сайлаган нар икән. Менә шулай җәмәгать. Үзебезнең кайчандыр кайнана белән торган чакны, килен булган чакны онытмаска кирәк. Мин үземчә нәтиҗә ясадым, яшәве күпкә җиңелрәк. Ярар, бүгенгә җитәр. Күп яздым. Ачуланмассыз. Әәә хәзергечә әйтсәк ошамаса проходите мимо)