Чулпан, хэерле кон.

Чулпан, хэерле кон. Минем язманы куегыз әле пожалуйста. Язмам озын булыр, шулай да кемнеңдер күзен ачар бәлки. Сүзем багучылар, күрәзәчеләр турында. Ярар. Иркенләбрәк утырып укыгыз җәмәгать. Минем дә, кызымның да тормышта проблемалар башлангач, бозым чыгаручы әби бабайлар эзләргә тотындык. Бакчадан вуду курчагы таптык. Кемгәдер без бик комачаулаганбыз булып чыкты. Кызым ире бн аерылышты. Булды инде хәлләр... Күрәзәчеләрне берәр группага җыеп, я картотека булдырсаң уңайлырак булыр иде әлбәттә. Алар һәр район саен икән. Кайсы якынрак, кайсы көчлерәк.... Гаиләдә проблема өстенә проблема килә. Намаз укыйм. Аллаһтан сорыйм. Юк сабыр итәрлек хәл калмады. Киттек без биииик мактаулы, эләгеп булмый торган бер күрәзәчегә. Бардык. Кердек. Безгә кадәр килгән кешеләр утыралар. Көтеп утыра торган бүлмәгә Дога куелган. Шуны тыңлап, як якка каранып (стенага шамаилләр, рәхмәт хатлары эленгән). Ярар ишек ачылып китте дә, ишектән безнең "караучы" ир кеше килеп чыкты. Аның кыяфәте җәмәгать кеше энергиясе бн эшләгән кешегә ошамаган иде. Бик тук һәм затлы бизнесмен кыяфәтле кеше. Кулындагы дисбене Сочи таксистлары машина ачкычын әйләндергән кебек кенә әйләндереп тора. Ярар, кереп утыргач күзгә карап тора. Тегеләй әйтеп карый, болай әйтеп карый, дога укыды. Шуның бн вәссәлам. Вакыт бетте, барыгыз дип чыгарып җибәрде. Конвеерга салынган бизнес в общем. Безгә бик кызык булып китте. Кызым әйтә әни әйдә килгән килгән тагын берәрсенә барып кайтыйк ди. Шалтыратып бер әбигә бардык. Өлгерәбез бит. Тиз карыйлар. Әбигә бардык. Безнең алда гына бер яшь гаилә бала сөйләшми дип алып килгәннәр. Мин специалист булмасам да сөйләшмәгән баланы өшкертергә алып килмәс идем. Ярар, анысы алар эше. Алар чыгып киткәч әби кесәсендәге акчаларны таслап җайлап куеп исәпли башлады. Мине күрми, миңа ул күренеп тора. Ярар, акчаны кем яратмый инде, исәпләсен... Кергәч, Әби сораша башлады. Ник килдегез, нәрсә бар, эштәме, гаиләдәме... Мин шунда аңладым инде әбинең "көчен". Торып чыгып китсәң яхшы түгел, ярар сорауларына җавап биреп утырдык. Безнең бн килгән бер пар бар иде. Ире икенче хатын бн яши. Биленә буган ременьне беренче хатыны бозган булып чыкты. Ременьне аерылышкач, яңа хатын алып бирде дип тә әйтеп карады мескен ир. Юк, әби үзенекен сөйли. Көләргә дә, еларга да белмәдек. Берсе өшкергән тоз, суны двухкратный өшкертеп кайттык. Нәрсә әйтәсем килә кызлар. Менә бер йөрергә тотынсаң, наркотик кебек ул. Бусы болай диде, тегесе тегеләй әйтте... Чын белеп әйтә торганы аның меңгә бер генә була. Бик сирәк андый кеше. Ә монда чат саен күрәзәче, багучы. Кем пычак селки, кем төкерә, кем акыра. Кемнең ниндигә осталык бар. Йөрмәгез кызлар. Бармагыз. Мин үзем шәхсән өшкерүче Фәрит хәзрәтнең файдасын күрдем. Өшкертергә, дога укырга гына барыгыз бик барасыгыз килсә. Ул Салмачида Гаишә мәчетендә кабул итә. Интернеттан карагыз, телефонын табып була. Бу реклама түгел. Әле ерак бер районга бер апага бардык икән. Шулай ук авылдагы хәлләрне сөйли. Сорый. Шуннан чыгып берәр вакыйга сөйли. Сөйлиләр алар, кирәклеген, дөресен генә әйтә белми. Менә шул җәмәгать. Тагын бер барып кайтырмын дип торам әле Фәрит хәзрәткә. Тынычланып китәсең. Йөрмәгез күрәзәчеләр, акчагызны, вакытыгызны гына әрәм итәсез.