Бүген Иске Җияш һәм Теләкәй авыл җирлекләрендә Бөек Җиңүнең 81 еллыгына багышланган митинглар узды Һәйкәлләр һәм обелисклар янына авыл халкы, ветеранн…
Һәйкәлләр һәм обелисклар янына авыл халкы, ветераннар, балалар, яшьләр, җирлек һәм район җитәкчеләре җыелды.
Котлау сүзе белән чыгыш ясаучылар сугыш кырында һәлак булганнарны һәм тылда Җиңүне көннән-көн якынайткан ветераннарны искә алып, аларның батырлыгы мәңге безнең йөрәкләрдә яшәячәген белдерделәр. Алар әһәмиятле дата — Җиңү көне белән тәбрикләп, тынычлык, иминлек теләделәр.
Митинг бер минутлык тынлык белән дәвам итте — бу һәлак булган сугышчылар истәлегенә хөрмәт күрсәтү билгесе иде. Тантаналы мизгелдә авылдашлар һәйкәлләргә чәчәкләр һәм веноклар салдылар.
Чаралар сугыш елларында Совет Армиясе сафларында, партизан отрядларында һәм тылда фидакарьләрчә хезмәт итеп, безгә тыныч күк йөзен бүләк иткән батыр буынга рәхмәт сүзләре белән тәмамланды.
Бу көн тагын бер тапкыр Җиңү — ул гомуми милли бәйрәм, горурлык һәм шул ук вакытта кайгы икәнен искә төшерде. «Бердәм булсак — Җиңү безнеке!» дигән сүзләр бүген дә актуаль.