22.07.2026 12:55
Гаас запракатын уочарата: тоҕо?
Гаас запракатын уочарата: тоҕо?
Дьокуускайга гаас заправкаларыгар балаһыанньа хаһааҥҥытааҕар даҕаны тыҥаан турар.
Суоппардар массыыналарын заправкалыыр туһугар 3-4 чааһы быһа уочаттыырга күһэллэллэр. “Тоҕо маннык буолла?” диэн миигиттэн үгүс быыбардааччым, билэр киһим ыйытар. Онон боппуруоһу сураһан көрдүм.
СӨ Промышленноска уонна геологияҕа министиэристибэтигэр эппиттэринэн, маннык уочарат пропаны-бутаны атыылаһар киһи ахсаана сайын эмискэ элбээбитинэн үөскээбит. Онон бу “быстах кэмнээх, сотору ааһар көстүү” диэтилэр. Кырдьык, саас халлаан сылыйан бардар эрэ, ГБО-лаах массыына элбиир үгэстээх. Ол эрээри, быйыл гааһы куттааччы хаһааҥҥытааҕар да элбээбит.
Тоҕото эмиэ өйдөнөр – бензин кризиһэ. Көннөрү заправкаларга бензин сыаната ыараан, хааччахтааһыннар киирэннэр, сороххо сэлээркэ атыыламмат буолан, урут соччо кыһаммакка да сылдьыбыт дьон гааска көстө.
Дьокуускайга барыта 22 гаас заправката баара биллэр. Ол гынан баран, “Сахатранснефтегаз” тэрилтэ убатыллыбыт углероднай гааһы (СУГ) 4 эрэ заправкаҕа кутар. Атын станциялар араас төрүөтүнэн гааһы атыылаабаттар, онон туох баар ноҕорууска барыта ол 4 эрэ заправкаҕа сүктэриллэн турар.
СТНГ хампаанньаҕа эппиттэринэн, АГЗС-тар сайынын түүннэри үлэлиир кыахтара суох. Тоҕо диэтэххэ, сайынын дьиэ-уот оттугар диэн аҕыйах гаас туттуллар буолан, хампаанньа элбэх пропаны-бутаны оҥорбот, баары кэмчилииллэр.
Аны туран, үөһэ ахтан аһарбытым курдук, массыынатын гаас уматыкка көһөрөөччү элбээбит. Эмиэ СТНГ этэринэн, Дьокуускайга массыынаҕа ГБО-ну туруорарга балаҕан ыйыгар диэри уочарат барыта туолбут.
Судургутук эттэххэ, ГБО-лаах массыына элбээн иһэр, оттон гааһы оҥорооччулар онно бэлэмэ суохтар.
Промышленность министиэристибэтэ “балаһыанньаны күн аайы кэтии олоробут” диэн эрэннэрдэ. ЯТЭК уонна “Сахатранснефтегаз” хампаанньалар бэрт суһаллык саппаастарын хаҥатан эрэллэр. Сайынын Саха сиригэр оҥоһуллар пропан-бутан өрөспүүбүлүкэ бэйэтин наадыйыытын эрэ хааччыйарга туһаныллар. Атын региоҥҥа атыыламмат. Хата үтүө сонун диэн, СТНГ быйыл алтынньы 1 күнүгэр диэри уматык сыанатын үрдэтиэ суох буолла. Бу уустук кэмҥэ бар дьоҥҥо ол да үөрүүлээх быһаарыы.
Эбэн эттэххэ... Дьиҥэр, быйыл саас кулун тутарга Дьокуускайга саҥа АГКС (автогазокомпрессорнай станция) тутуллар диэн быһаарыы ылыныллан бырайыагын-сметатын оҥоруу саҕаламмыта эрээри, ол эбийиэк хаһан олоххо киириэ ыраах. Онон гаас заправкаларын уочаратын туһунан кылгастык хоруйдаатахха итинник.
Ааспыкка эппитим курдук, балаһыанньа уустук эрээри, барыта хонтуруолланар. Сүрүнэ – уһуну-киэҥи саныах, өстөөххө дьиэк биэрбэккэ дойдубут салалтатыгар эрэниэх!
Кыайыы туһугар өйбүтүн, санаабытын түмүөх!
Дьокуускайга гаас заправкаларыгар балаһыанньа хаһааҥҥытааҕар даҕаны тыҥаан турар.
Суоппардар массыыналарын заправкалыыр туһугар 3-4 чааһы быһа уочаттыырга күһэллэллэр. “Тоҕо маннык буолла?” диэн миигиттэн үгүс быыбардааччым, билэр киһим ыйытар. Онон боппуруоһу сураһан көрдүм.
СӨ Промышленноска уонна геологияҕа министиэристибэтигэр эппиттэринэн, маннык уочарат пропаны-бутаны атыылаһар киһи ахсаана сайын эмискэ элбээбитинэн үөскээбит. Онон бу “быстах кэмнээх, сотору ааһар көстүү” диэтилэр. Кырдьык, саас халлаан сылыйан бардар эрэ, ГБО-лаах массыына элбиир үгэстээх. Ол эрээри, быйыл гааһы куттааччы хаһааҥҥытааҕар да элбээбит.
Тоҕото эмиэ өйдөнөр – бензин кризиһэ. Көннөрү заправкаларга бензин сыаната ыараан, хааччахтааһыннар киирэннэр, сороххо сэлээркэ атыыламмат буолан, урут соччо кыһаммакка да сылдьыбыт дьон гааска көстө.
Дьокуускайга барыта 22 гаас заправката баара биллэр. Ол гынан баран, “Сахатранснефтегаз” тэрилтэ убатыллыбыт углероднай гааһы (СУГ) 4 эрэ заправкаҕа кутар. Атын станциялар араас төрүөтүнэн гааһы атыылаабаттар, онон туох баар ноҕорууска барыта ол 4 эрэ заправкаҕа сүктэриллэн турар.
СТНГ хампаанньаҕа эппиттэринэн, АГЗС-тар сайынын түүннэри үлэлиир кыахтара суох. Тоҕо диэтэххэ, сайынын дьиэ-уот оттугар диэн аҕыйах гаас туттуллар буолан, хампаанньа элбэх пропаны-бутаны оҥорбот, баары кэмчилииллэр.
Аны туран, үөһэ ахтан аһарбытым курдук, массыынатын гаас уматыкка көһөрөөччү элбээбит. Эмиэ СТНГ этэринэн, Дьокуускайга массыынаҕа ГБО-ну туруорарга балаҕан ыйыгар диэри уочарат барыта туолбут.
Судургутук эттэххэ, ГБО-лаах массыына элбээн иһэр, оттон гааһы оҥорооччулар онно бэлэмэ суохтар.
Промышленность министиэристибэтэ “балаһыанньаны күн аайы кэтии олоробут” диэн эрэннэрдэ. ЯТЭК уонна “Сахатранснефтегаз” хампаанньалар бэрт суһаллык саппаастарын хаҥатан эрэллэр. Сайынын Саха сиригэр оҥоһуллар пропан-бутан өрөспүүбүлүкэ бэйэтин наадыйыытын эрэ хааччыйарга туһаныллар. Атын региоҥҥа атыыламмат. Хата үтүө сонун диэн, СТНГ быйыл алтынньы 1 күнүгэр диэри уматык сыанатын үрдэтиэ суох буолла. Бу уустук кэмҥэ бар дьоҥҥо ол да үөрүүлээх быһаарыы.
Эбэн эттэххэ... Дьиҥэр, быйыл саас кулун тутарга Дьокуускайга саҥа АГКС (автогазокомпрессорнай станция) тутуллар диэн быһаарыы ылыныллан бырайыагын-сметатын оҥоруу саҕаламмыта эрээри, ол эбийиэк хаһан олоххо киириэ ыраах. Онон гаас заправкаларын уочаратын туһунан кылгастык хоруйдаатахха итинник.
Ааспыкка эппитим курдук, балаһыанньа уустук эрээри, барыта хонтуруолланар. Сүрүнэ – уһуну-киэҥи саныах, өстөөххө дьиэк биэрбэккэ дойдубут салалтатыгар эрэниэх!
Кыайыы туһугар өйбүтүн, санаабытын түмүөх!