16.06.2026 08:46
Кукмара районында ике мөхтәрәм юбиляр – 90 яшьлек Мәгъзифә Халикова һәм 95 яшьлек Миңсылу Хәмидуллина үзләренең озын гомер бәйрәмен билгеләп үтте.
Кукмара районында ике мөхтәрәм юбиляр – 90 яшьлек Мәгъзифә Халикова һәм 95 яшьлек Миңсылу Хәмидуллина үзләренең озын гомер бәйрәмен билгеләп үтте. Каенсар авылында гомер итүче Мәгъзифә апа озак еллар Арча районының Сарай-Чокырча авылында яшәп, модалы киемнәр тегү ательесында тегүче булып эшләгән. Ә Камышлыдан Миңсылу апа – тыл ветераны, “Атказанган колхозчы” исеменә лаек булган уңган-тырыш ханым, гомер буе авыл хуҗалыгында төрле эштә: урак урган, печән чапкан, чәчүдә катнашкан.
Ике юбилярның да язмышында авырлык җитәрлек. Мәгъзифә апа балачагын авыр истәлекләр белән искә ала: әти-әнисен иртә югалтып, үги әтисе белән аның кызы бергә үскәннәр. Эшкә чыккач кына тормышлары уңайланган. Миңсылу апа исә сугыш елларын яхшы хәтерли, яшьлектә авыр хезмәт аша үткән, ләкин Аллага шөкер итеп, бүгенге көндә якыннарының кайгыртуы белән уратып алынган.
Мәгъзифә апа бүген кызы Рамилә, кияве Илшат гаиләсендә яши. Каенсарга күченеп килгәненә ун ел чамасы. Миңсылу апа исә авыл китапханәсенең иң актив укучысы булып, дөнья яңалыкларыннан хәбәрдар булырга тырыша, аяклары тыңламаса да, рухи яктан бик сау-сәламәт.
Район җитәкчеләре ике юбилярны да кадерләп тәбрикләде. Район Советы аппарат җитәкчесе Ирина Ходова, район социаль яклау бүлеге башлыгы Регина Мусина, Каенсар авыл җирлеге башлыгы Инсаф Исхаков Мәгъзифә апага чәчәкләр, истәлек бүләге һәм район башлыгының Рәхмәт хатын тапшырды. Миңсылу апага исә Березняк авыл җирлеге башлыгы Рөстәм Шәриповлар Россия Президенты Владимир Путинның Рәхмәт хатын һәм районнан бүләкләр бирделәр, Коръән аше мәҗлесендә катнаштылар.
Үзләренең озын гомеренә карамастан, ике юбиляр да тормыштан канәгать. Мәгъзифә апа: “Аллаһыма мең шөкер, кызым да, киявем дә бик әйбәт, хөрмәт белән яшим”, – ди. Миңсылу апа исә: “Яшьлегебездә уйнадык та, җырладык та, хезмәтебез бәяләнде. Хәзерге картлыгыбызның куанычын күреп яшибез”, – дип уртаклаша. Без дә ике мөхтәрәм әбиебезне юбилейлары белән чын күңелдән котлыйбыз, аларга нык сәламәтлек, якыннарының мәхәббәте һәм тагын да озын гомер телибез!
Ике юбилярның да язмышында авырлык җитәрлек. Мәгъзифә апа балачагын авыр истәлекләр белән искә ала: әти-әнисен иртә югалтып, үги әтисе белән аның кызы бергә үскәннәр. Эшкә чыккач кына тормышлары уңайланган. Миңсылу апа исә сугыш елларын яхшы хәтерли, яшьлектә авыр хезмәт аша үткән, ләкин Аллага шөкер итеп, бүгенге көндә якыннарының кайгыртуы белән уратып алынган.
Мәгъзифә апа бүген кызы Рамилә, кияве Илшат гаиләсендә яши. Каенсарга күченеп килгәненә ун ел чамасы. Миңсылу апа исә авыл китапханәсенең иң актив укучысы булып, дөнья яңалыкларыннан хәбәрдар булырга тырыша, аяклары тыңламаса да, рухи яктан бик сау-сәламәт.
Район җитәкчеләре ике юбилярны да кадерләп тәбрикләде. Район Советы аппарат җитәкчесе Ирина Ходова, район социаль яклау бүлеге башлыгы Регина Мусина, Каенсар авыл җирлеге башлыгы Инсаф Исхаков Мәгъзифә апага чәчәкләр, истәлек бүләге һәм район башлыгының Рәхмәт хатын тапшырды. Миңсылу апага исә Березняк авыл җирлеге башлыгы Рөстәм Шәриповлар Россия Президенты Владимир Путинның Рәхмәт хатын һәм районнан бүләкләр бирделәр, Коръән аше мәҗлесендә катнаштылар.
Үзләренең озын гомеренә карамастан, ике юбиляр да тормыштан канәгать. Мәгъзифә апа: “Аллаһыма мең шөкер, кызым да, киявем дә бик әйбәт, хөрмәт белән яшим”, – ди. Миңсылу апа исә: “Яшьлегебездә уйнадык та, җырладык та, хезмәтебез бәяләнде. Хәзерге картлыгыбызның куанычын күреп яшибез”, – дип уртаклаша. Без дә ике мөхтәрәм әбиебезне юбилейлары белән чын күңелдән котлыйбыз, аларга нык сәламәтлек, якыннарының мәхәббәте һәм тагын да озын гомер телибез!