Зираттагы уяну чакыруы: мәетләрнең хәле безнең өчен сабак
Яшәү белән үлем арасы
Йөрәкләрне ярып бер зиратта
Бара бүген җирләү чарасы
Озатырга бик күп кеше килгән
Аптырарлык халык санына
Тик мәетне җибәрәсе килми
Өзгәләнә күңел сагына
Ләкин күпләр шундый чарада да
Кызык сөйләп күңел ачалар
Ә мәетләр көлә алмый хәзер
Бер догага хәтта ач алар
Икенчесе авыз ачып көлә
Бигрәк кызык шундый күңелле
Зиратта да күңел ачканнарның
Җанкайлары үле түгелме?
Кемдер читтә тәмәкесен тарта
Әй ютәлли үзе төтеннән
Күзләрендә аның пәрдә тора
Ә күңеле күптән тетелгән
Мәетләрне сукыр, чукрак дибез
Ә чынлыкта без сукырлар
Иртәгәсен кәфеннәргә төреп
Безгә дә бит намаз укырлар
Берәр мәет хәлебезне күрсә
Әйтер иде Әй сез җүләрләр!
Кичә генә сезнең кебек булдым.
Иртәгәсен сезне җирләрләр!
Уяныгыз инде! Уяныгыз!
Күпме була тонып йокларга?
Иң кадерле, кыска гомерләрне
Түгәсез бит һаман юк-барга
Дөреслектә хәлләребез авыр
Тик алмагыз берүк гаепкә
Динне ташлап, дөнья куу безне
Әйләндерде тере мәеткә
🕌Әниләр мәчете.
Языл:➡️ https://max.ru/mechet_eniler