09.08.2026 09:39
Хәерле көн!
Хәерле көн!“Әпәт шул балык башы,”-дип әйтүчеләр булса да, языйм әле. Сүзем тагын татар теле турында. Дөньяга таралган татар халкының барысы да әдәби татар телендә сөйләшергә тиеш, дип әйтү дөрес булмас. Татарстанда гына да төрле районнарда төрлечә сөйләшәләр, мишәрләрнең сөйләмендә дә аерма бар.Без, мәсәлән,Тәтеш ягы татарлары, әмма нигәдер сөйләмебез керәшен татарлары сөйләменә охшаган. Ләкин мин язган вакытта “юк” урынына “җук”, “ярар” сүзен “җарар” дип язырга оялам.Шуңа күрә үз төбәгеңдә үзегезчә сөйләшергә, әмма язганда дөрес татар телендә язырга кирәк, дип уйлыйм.Мине бочыган тагын бер хәл бар әле.Татар эстрадасында әдәби татар телен санга сукмау модага кереп китте соңгы араларда.Сәхнәгә атылып чыгып: “Мишәрләрем, сез кая?”-дип акырып-бакырып мишәрчә җырлаучылар бик популяр халык арасында.Бу бернинди рамкага да сыя торган хәл түгел инде.Сәхнә- сәнгатьне үстерерүгә, телне саклап калуга зур өлеш кертергә тиеш. Урысл телендә дә диалектлар бар бит.Әмма бер артист та дә сәхнәдә, телевизода чыгыш ясаганда “үзенчә” сөйләми дә, җырламый да. Халкыбызның танылган артистлары -Габдулла Рәхимкулов, Рафаэль Ильясов, Хәйдәр Бигичев, Ринат Таҗетдинов, Алсу Әбелханова, Исламия Махмутова, Илдар Кыямов, Илсаф-матур итеп саф татарча җырлыйлар, чөнки Казанда төпле белем алган шәхесләр.Әдәби татар телендә җырлый белмисең икән, сәхнәгә атылып менгәнче Венера Ганиева, Римма Ибрагимова, Салават, Айдар Фәйзерахманов кебек метрлар кулыннан үтәргә кирәк.