⏬⏬⏬ Муус устар 2-15 күннэригэр Донецкай уонна Луганскай республикалар, Херсонскай уонна Запорожскай уобаластар, итиэннэ Россия Белгородскай, Курскай, …

⏬⏬⏬

Как женщине вернуть память, как в молодости, и защитить себя от деменции и Альцгеймера всего за 7 дней за счёт 10 простых упражнений из нейрофизиологии

Бесплатный курс: каждое упражнение занимает не более 15 минут в день и не требует специальной подготовки

Получить бесплатный доступ →

Муус устар 2-15 күннэригэр Донецкай уонна Луганскай республикалар, Херсонскай уонна Запорожскай уобаластар, итиэннэ Россия Белгородскай, Курскай, Брянскай, Ростовскай уобаластарын территорияларыгар араас сирдэринэн анал байыаннай дьайыыга кытта сылдьар 100-тэн тахса биир дойдулаахтарбытыгар улуустарын дьонноруттан-сэргэлэриттэн көмөнү, чугас дьоннорун баһыылкаларын тиксэртээтибит. Ыраах Псковскай уобаласка быстах хомуурга түбэһэн барбыт биир дойдулаахпытыгар көмөнү баһыылка оҥорон ыыттыбыт. Иккис бөлөх төннөн иһэн Москва куоракка госпитальга эмтэнэ сытар биир дойдулаахтарбытын эмиэ көрүстүлэр.

Хас бардахпыт аайы Ростов-на-Дону куоракка олорор доҕотторбут Александр Иванов уонна Артем Луковский көмөлөһөннөр, үлэбитин лаппа чэпчэтэллэр. Маны таһынан Ростов-на-Дону куоракка байыаннай госпитальга үлэлэһэр Саха сирин бөлөҕүн салайааччыта Агафья Ионова, Новоазовск Саха сиринээҕи Опорнай пуун үлэһиттэрэ, чуолаан Василий Швердин, грузовой массыына суоппара Эдуард Магай сүрдээҕин көмөлөстүлэр. Саха сириттэн 1300 киилэттэн тахса тоҥ таһаҕаһы сөмөлүөтүнэн ыытыыга, УАЗ массыынаны, араас улахан таһаҕаһы сиринэн ыытыыга Георгий Сергеевич Куркутов салайааччылаах «Северо-Восточный фонд помощи и поддержки Донбасса» тэрилтэ көмөлөһөн, бу таһаҕастарбыт буор босхо ДНРга диэри тиксэрилиннилэр. Бу тэрилтэҕэ үлэлиир биир дойдулаахпыт Анна Винокурова сүүрэн-көтөн таһаҕаспыт кэмигэр ыытыллан, тиийиэхтээх сирин сөпкө булан ураты көмө буолла.

Майатааҕы Түмэн уопсастыбаннай холбоһук (сал. Лукина Мария Дмитриевна) хас барыыбыт аайы сүрдээх элбэх көмөнү ыытар. Бу сырыыга харыстыыр сиэккэлэри, хатарыллыбыт балык миинин, тоҥ ынах этин, 100.000 солкуобай уу харчыны, кус эттэрин, бурдук астары, тепловизортан хаххалыыр суорҕаннары, байыаннай көстүүмнэри, рюкзактары, о.д.а. көмөлөстүлэр. Урбаанньыт Федотов Руслан Еремеевич эндуро мотоцикл, Майатааҕы Ф.Г.Охлопков аатынан орто оскуола УАЗ массыына, Ороссолуода орто оскуолата хатарыллыбыт оҕуруот аһыттан «Сайын амтана» тумалары успуонсардаатылар. Киин балыыһа рентген бырааһа Павел Семенов ыыһаммыт убаһа этин, улуустааҕы «Эркээйи» хаһыат сыллааҕы нүөмэрдэрин хомуурунньуктарын, Аллараа Бэстээх урбаанньыта Мубаракшин Мансур Басирович 1000 устуука саа ботуруоннарын, Майатааҕы АБДь кыттыылаахтарын дьиэ кэргэттэрин «Харыстаана» түмсүүтэ араас отоннортон сироптары, хатарыллыбыт балык миинин, ыһаарыламмыт собо балык, Дьабыыл нэһилиэгин общественноһа уонна тэрилтэлэрэ, Төҥүлүтээҕи «Олимпионик», Аллараа Бэстээхтээҕи «Сказка», «Солнышко», Төхтүрдээҕи «Мичил», Павловскайдааҕы «Лена», «Мичээр», Майатааҕы «Кэнчээри» оҕо уһуйааннара бурдук астары, ыһаарыламмыт собо балык, минньигэс астары буһаран, бэлэмнээн ыыттылар. Мэҥэ Хаҥаластааҕы экология инспекцията буспут кустары, Нөөрүктээйи нэһилиэгин Ветераннарын сэбиэтэ (сал.Садовникова С.Е.) саллааттарга куллукулары, Тумул, Тиэлиги орто оскуолалара харысхаллары, ыраастанар набордары, улуус оскуолалара саллаат суруктарын, Мусьяна Сосина «Илгэлээх иэйии» эмтээх маастары, «Илии сылааһа» түмсүү тигии таҥас-сап бэлэмнээтилэр.

Бу үп, көмө хомулларыгар кыттыспыт улууспут бары олохтоохторугар, тэрилтэ салайааччыларыгар, урбаанньыттарга, биирдиилээн дьоҥҥо хас биирдиигитигэр баран кэлбит бөлөх аатыттан уонна анал байыаннай дьайыыга кытта сылдьар биир дойдулаахтарбыт ааттарыттан махталбытын тиэрдэбит. Уолаттар хас биирдии көмөҕүтүгэр сүрдээҕин үөрэллэр, өрүү махталларын биллэрэллэр. Биһиги, улуус олохтоохторо, уолаттарбыт эйэлээх олоххо этэҥҥэ эргиллэн кэлэллэрин туһугар куруук маннык түмсүүлээхтик үлэлиэххэйиҥ-хамсыаххайыҥ, бэйэ-бэйэбитигэр күүс-көмө буолуоххайыҥ.

Афанасий Максимов, Мэҥэ Хаҥалас улууһун Биир кэлим дьуһуурунай диспетчерскэй сулууспатын салайааччы