Migrant Moskvada piyodalarni urib yubordi: 3 kishi jarohat oldi
Moskvadagi Altufyev shossesida ro‘y bergan avariyada muhojir yigit ayblanmoqda.
Unga ko‘ra, Markaziy Osiyo mamlakatlaridan biridan kelgan Islomjon ismli 19 yoshli migrant qarama-qarshi yo‘lda soatiga 100 km dan yuqori tezlikda mashinani boshqarib, polisiyadan qochgan. Uning haydovchilik guvohnomasi yo‘qligi va mashinani ham boshqa birovning akkaunti orqali ijaraga olgani aniqlandi.
Svetoforda mashinalar va avtobus to‘xtab turgan chorrahada haydovchi piyodalar yo‘lagiga chiqib ketgan. Bir piyoda mashinadan qochishga muvaffaq bo‘ldi, ammo uch kishi — 25 yoshli ikki ayol va 22 yoshli erkak jarohat oldi.
Baxtsiz hodisadan so‘ng, haydovchi va uning sherigi sudgacha hibsga olindi. Baxtsiz hodisa holatlari tergov qilinmoqda.
Ularga nisbatan Rossiya Jinoyat kodeksining 166-moddasi 2-qismining «a» bandi (bir guruh shaxslar tomonidan oldindan til biriktirib o‘g‘irlik niyatida bo‘lmagan transport vositasini noqonuniy boshqarish) bo‘yicha jinoiy ish qo‘zg‘atildi. Ushbu ayblov bo‘yicha maksimal jazo yetti yilgacha ozodlikdan mahrum qilishdir.
«Sud majlisida ular ushbu ehtiyot chorasiga e’tiroz bildirishdi», deb aniqlik kiritgan Moskva prokuraturasi matbuot xizmati.
MAX'ga a'zo bo'lish uchun 👇
https://max.ru/migrantuz
🌐 VIP Migrant (https://t.me/vipmigrantbot) bilan chegarasiz internetga ulaning!