08.06.2026 07:26
Габделфәт Сафин: әнинең Сахалинга китүе һәм мәхәббәт тарихы
Габделфәт Сафин белән интервьюдан өзек 👇
⠀
“Минем әни ярлы гаиләдән, ә әти һәм аның әтисе (Сафа бабай) ул заманда бай кешеләр булып саналганнар. Әнинең Сафалар гаиләсенә бик тиңләшәсе килгән, чөнки ул яшерен генә әтине яратып йөргән. Әни гаиләсен ияртеп (әнисен, сеңлесен, абыйсын) Сахалинга акча эшләргә дип чыгып китә. Чит җирдә яши башлыйлар. Әмма көн дә йокларга ятканда ул: “Габдрахман белән кавышсак ярар иде”, - дип теләкләр тели торган була.
Сахалиннан туган якларга әйләнеп кайткач, әнинең теләге кабул була. Авыл клубында спектакль куйганнар. Әни анда һәрвакыт төп рольне башкарган. Өстәвенә, матур итеп җырлаган да. Әле аннан тыш, җир эшен дә ничек кирәк – шулай башкарган. Шулвакыт: әти әнигә гашыйк була. Сафа бабай да әнине бик хөрмәт иткән. Зур мәхәббәт белән алар матур гаилә кора. Әти белән әни бәхетле гомер кичерделәр. Тик, кызганыч, әтине ялгызын, безне ятим калдырып, әниебез үлде. Әти, Аллага шөкер, әле дә исән, авылда берүзе яши.
Мине гамунда өйрәтүче кеше ул әни булды. Әни җырлый-җырлый шәл бәйли иде, ә мин аңа ияреп уйный идем. Шулвакыт чыккан көйләр кайчак гармун уйнаганда үзеннән үзе искә төшә...”
⠀
⠀
“Минем әни ярлы гаиләдән, ә әти һәм аның әтисе (Сафа бабай) ул заманда бай кешеләр булып саналганнар. Әнинең Сафалар гаиләсенә бик тиңләшәсе килгән, чөнки ул яшерен генә әтине яратып йөргән. Әни гаиләсен ияртеп (әнисен, сеңлесен, абыйсын) Сахалинга акча эшләргә дип чыгып китә. Чит җирдә яши башлыйлар. Әмма көн дә йокларга ятканда ул: “Габдрахман белән кавышсак ярар иде”, - дип теләкләр тели торган була.
Сахалиннан туган якларга әйләнеп кайткач, әнинең теләге кабул була. Авыл клубында спектакль куйганнар. Әни анда һәрвакыт төп рольне башкарган. Өстәвенә, матур итеп җырлаган да. Әле аннан тыш, җир эшен дә ничек кирәк – шулай башкарган. Шулвакыт: әти әнигә гашыйк була. Сафа бабай да әнине бик хөрмәт иткән. Зур мәхәббәт белән алар матур гаилә кора. Әти белән әни бәхетле гомер кичерделәр. Тик, кызганыч, әтине ялгызын, безне ятим калдырып, әниебез үлде. Әти, Аллага шөкер, әле дә исән, авылда берүзе яши.
Мине гамунда өйрәтүче кеше ул әни булды. Әни җырлый-җырлый шәл бәйли иде, ә мин аңа ияреп уйный идем. Шулвакыт чыккан көйләр кайчак гармун уйнаганда үзеннән үзе искә төшә...”
⠀