🌺Хәерле кичләр🫶.

🌺Хәерле кичләр🫶. Төнгә каршы бер роман язам әле, укыган кеше укыр, укымаганы юк😉
🌸Аллаһ бирсә иртәгә институтны тәмамлаганга 30 ел булганны билгеләп үтәргә, группадашлар белән очрашуга барам Чаллыга🙏
🌸Әлеге фотоларда соңгы курс һәм 5 елдан соң институт янында очрашып, Мәләкәстә Венераларда рәхәтләнеп кунак булу мизгелләре🫶
🌸 Ооооо, 18 яшьлек мескен авыл баласыыы. Очный студент тормышының бөтен нечкәлекләрен белмәсәң дә, синең башка да байтак авырлыклары төште.
🌸Заочница- димәк, мәктәптәге укыту- тәрбия эшләреннән, авыл өендәге бетмәс- төкәнмәс эшләрдән, яшьлек чоры белән бәйле клубка чыгулардан арынган арада тиз- тиз генә Габбасов кушканга Эйлер кругларын өйрәнүче дә, Зайниева таләп иткәнгә Ян Амос Коменский, Иоганн Фридрих Герберт, Пестоллоцциларның туган көннәрен ятлаучы да, Зайниевның ниндидер математик формулаларын тормыш белән бәйләп исбатларга өйрәнүче дә, Самигуллин өйрәткән анатомия фәнен анларга тырышучы да, Мазитов куша дип, төн чыкканчы Кызыл китапка кертелгән барлык үсемлек, кошлар, хайваннар исемнәрен ятлаучы да, институт ишегалдыннан ул кушкан сандагы үсемлекләрне табып бирүче дә син. Аның кер машинасыннан ничек алып киптерелгән- шулай киелгән пинҗәген озак еллар буе шаккатып искә алучы да син. Байкиевадан куркып бөтен детская литератураны библиотекадан ташып бетереп өйдәге көзге алдына тезеп куеп, үткән- сүткән саен уфтанып, укылмаганына үртәлеп йөрүче дә син. Соныннан, экзаменга кереп утыргач белмәгән билет эләккәч, авось пройдетка ышанып, татарча анламаучы укытучыга, можно на татарском, дип сорап, можно, дигәч, аптыраудан телсез калучы да, сонгы кыюлыгынны җыеп, апалардан ишеткән , ул Гайдарны ярата, дигән сүз буенча, а можно Гайдарнын произведениеләрен сөйләргә, диюче дә, моҗно, дигәч, Я, Аллаһ, мин бит Гайдарны да белмим, ярдәм ит, дип Ходайдан сорап, татарча Тимур и его команданы гоманлап сөйләп , рус һәм татар группасының ушын алып 4ле алып чыгып китүче дә син.
🌸И, беркатлы авыл баласы. Бер укытучы зачетка блок сигарет һәм коньяк сорагач, блок сүзенен ни анлатканын беренче тапкыр шунда ишетүче дә син. Укытучыларның дәрескә кергән берсе экзамен яки зачет вакытында, сез- заочниклар бездән күбрәк акча алып эшләүчеләр, дип нәрсәгә намекать иткәннәрен озак еллар үткәч кенә аңлаучы да син.
🌸Иии, мескен авыл баласы. Шыгрым тулы автобусның туктавына,юл буена сынар аякта басып кайтып, Куян колъцосында 2сум 50 тиенлек автобус билеты өчен, сөенеченнән 3 сум биреп төшеп калып, үкчәле танкеткаларың,күчтәнәч салынган сумкаларың белән Кипич заводына кадәр җәяү кайтып, урман аша туры өйгә төшүче дә син
🌸Я, Аллаһ, мескенкәем. Шәһәрдә бүрекне, сапогины салдыралар, дигәнгә ышанып, ондатра, норка формовкаларынны өйдә калдырып вәл бәйләп, киез итек киеп шәһәр урамнарын гизүче, институт баскычларын санаучы да син.
🌸. Мескенем. Кичке 6-7дә дәресләр беткәч, 10-11ләргә кадәр дәвам иткән зачет - экзаменнардан соң туганнарга кайтып кунар өчен автобуска утыргач, остановканы берәүдән не подскажете, дип сорап, не скажу дигәнне ишеткәч, икенчесеннән сорарга кыюлык җитмичә икенче остановкада төшеп калып адашып йөрүче дә син.
🌸Иии, мескен. 7дәге Ямалы автобусы туктамый китеп, 8дәге Чаллы автобусына сонга калып, 11дәгесен автовокзалда көтеп утырып, көчкә эләгеп китүче дә син.
🌸Барлы- юклы 20 көн- 1 ай сессияләр чорында да авылынны сагынып, укуым бетсә борылып та карамас идем шушы Чаллыга, дип елап ятучы да син.
🌸Иии, балааа. 1-2 нче курсларда сагынуга түзәлми теләми генә укып, 3-5 курсларда, ник башта ук әйбәтләп укымадым инде мин, кызыл дипломга бетерәсе булганмын хәзерге кебек укысам, дип акыл утырта башлаучы да син.
🌸Еллар узгач, пенсияләре ай саен килә башлагач, Аллаһка шөкер, алай да заочно укыганмын, дип сөенүчесе дә син.
🌸Очно укучымы син, заочномы, эш урыны сине түгел, син эш урынын бизәүче икәнен аңлаучы да- син.

Менә шул...