🌺Минеке конкурска түгел, но 1-2 сүз кыстырмасам, йоклый алмам🙈 Уффффф, ул печән.... Печән эше- бәрәнге алу кебек, эшләр

🌺Минеке конкурска түгел, но 1-2 сүз кыстырмасам, йоклый алмам🙈
Уффффф, ул печән....
Печән эше- бәрәнге алу кебек, эшләрдәй кешең күп булса гына күнелле. Безнең кебек 3 кыз, 1 әти дә, 1 әни, җитмәсә атланырлык билсәпите дә булмаганнарга чынлап та, печән сүзе үзе үк аллергия бирә.
Иң нервыга тиеп калганы әнә шул- күтәренеп җәяү йөрү. Җитмәсә тәртибе дә кырыс- тик утырмаска, тырманы күтәреп йөрмәскә, гел сөйрәп йөрергә, күбәгә этеп китергәндә артыңны чистартып барырга, әйләндергәндә ботак- сатак, ат кузгалагын ыргытып барырга, чүмәлә салганда әйләнеп йөреп, сәнәгеңне җайлап бирергә, чүмәлә төбен тырма сабы белән төеп чыгарга. Утырмаска, утырмаска, утырмаска...
7 кат тиреңне агызып телеңне асылындырып җәяүләп кайтканда оңгаеңа чишмәдән су алып кайтырга, өйгә кереп тормый гына бакча артындагы яшелчәләргә су сибәргә, казларны эзләп алып кайтырга, үч иткәндәй нәкъ шул көнне көтүдән кайтмаган сыерны эзләп алып кайтырга, печән өстендә сөт җыймау сәбәпле сөтне аертырга, аны көянтәләп ташыган суынны җылытып юарга. Газ өстендә чиләктә су җылытып салкын мунчада юынып чыгарга да, клубка чыгып, көне буе бот күтәреп хәл җыеп яткан кешедәй ярты төнгә кадәр биергә...
Ул печән көннәре кояшлы торып, мен газап белән эшләнеп бетәлсә, исерек тракторист белән Радис буасыннан аумыйча гына чыгып кайтып җиткәннәрен төне буе ут йотып көтәсе. Бакча артына гына кибәнләсәләр, өйгәндә кайвакыт җимерелсә дә, безне бәхет басасы, кибән түбәсендә тору лапас түбәсендә тузанга тончыгып печән тутыру түгел инде, как никак саф һавада.
Өлеш печәне беткәч кем каян юнәтәлә шуннан печән эшләү башлана. Өлеш печәне безнен кебекләргә сырт җирдән, 5-6 чүмәләлек кенә эләгә иде. Шуна күрә, кайда сазлыклы җирдән, кайда күл тирәсеннән чалгыга эләкми, чүиәлә куеп булмый торган, шуа торган шыланны да чаба идек( хәзер күбегез көлемсерәп, чапкансындыр инде, дип куйды инде, беләм, но кем әйтмешли, акча биреп ышандыралмыйм)
Колхознын сөт, чөгендер җире өчен биргән бике печәнен эшләү үзе бер кыйсса, язып тормыйм.
Яз көне, бакча артында елга тушлый башлагач, андагы кибәнне өскә, лапас янына кайтарып, ул шыыыр тузаннан торган иске диярлек, кыш чыккан печәнне түбәгә тутырган кешедә ничек печәнгә аллергия булмасын, ди.
Аллаһка мең шөкер, апа кияүгә чыккач, күз ачылгандай булды. Җизни Рамил, җизнинең энесе Ришат печән эшләгәндә нык булыштылар, аннары үзем кияүгә чыккач аллергиям кимеде. Иң мөһиме- техника хасил булды.
Әтинең апасы дүртүткәй Гөләндәм апа белән Дәтҗан җизнинең балалары да, Дуглас абый, балалары да, Нияз абый белән Бания апа балалары да бик булышалар иде, Аллаһның рәхмәтләре яусын аларга🙏