08.07.2026 03:30
Кайттым әле...
Кайттым әле...
Көч- хәл белән кайтып егылдым,
Чалгы селтәп үскән болынга.
Кочып алды танып үләннәрем,
Керә- керә минем куенга.
Кайсы үпте биттән, уздырганы
Чеметеп кенә үпте иреннән.
Кочакларга минем көчем җитми,
Күз ачырга, хәтта, иренәм.
Чебен- черки, күбәләге куна,
Кырмыскасы- күптән борында.
Җанны ашаган дошман кигәвен дә,
Тыйнак кына тәнгә сарыла.
Бал корты да бүген чакмый мине,
Бал исләрен сылый чәчемә.
Онытты, дип, мине орышмагыз-
Сез барчагыз минем исемдә.
Ятам әле, ятам болынымда-
Балачагым сеңгән мендәрдә.
Йә, әйтегез, син бит җирдә диеп,
Мин мөнбәрдә бүген, мөнбәрдә.
Үләннәрем, мине кочаклагыз,
Черкиләрем мине тешләгез.
Ятам әле бер төшәрсез диеп,
Зинһар өчен, миннән төшмәгез!
Вазыйх Фатыйхов.
Көч- хәл белән кайтып егылдым,
Чалгы селтәп үскән болынга.
Кочып алды танып үләннәрем,
Керә- керә минем куенга.
Кайсы үпте биттән, уздырганы
Чеметеп кенә үпте иреннән.
Кочакларга минем көчем җитми,
Күз ачырга, хәтта, иренәм.
Чебен- черки, күбәләге куна,
Кырмыскасы- күптән борында.
Җанны ашаган дошман кигәвен дә,
Тыйнак кына тәнгә сарыла.
Бал корты да бүген чакмый мине,
Бал исләрен сылый чәчемә.
Онытты, дип, мине орышмагыз-
Сез барчагыз минем исемдә.
Ятам әле, ятам болынымда-
Балачагым сеңгән мендәрдә.
Йә, әйтегез, син бит җирдә диеп,
Мин мөнбәрдә бүген, мөнбәрдә.
Үләннәрем, мине кочаклагыз,
Черкиләрем мине тешләгез.
Ятам әле бер төшәрсез диеп,
Зинһар өчен, миннән төшмәгез!
Вазыйх Фатыйхов.