09.09.2026 13:46
Фәдис Ганиев белән интервьюдан өзек ⤵️ «Аллаһы Тәгалә кешегә берничә сайлап алу юлын бирә. Без, кайвакыт, язмышка сылта
Фәдис Ганиев белән интервьюдан өзек ⤵️
«Аллаһы Тәгалә кешегә берничә сайлап алу юлын бирә. Без, кайвакыт, язмышка сылтанабыз. Ә чынында исә, һәркемнең язмышы үз кулында. Кешегә гомернең нәкъ Ходай биргәненә 100 процентка ышанам. Ниндидер очракларда, яшәү җебе өзелә язып та, исән калганнарны беләбез. Берничә ел элек бер ханым үзен нумеролог (саннар ярдәмендә юраучы) дип таныштырды да, саннар буенча үткән гомеремне тикшереп карарга тәкъдим итте. Мин мондый әйберләргә бик ышанып бетмим. Тик бу ханым әнием белән булган фаҗига турында һәм шул вакыйгадан соң, аның яңадан 40 ел яшәгәнен санап чыгарып әйтте. Әнигә 42 яшь булганда, ул ат арбасыннан башы белән егылып төшеп, бик зур каза күргән иде. Табиблар башта аның исән калырына бөтенләй ышанмады. Исән калса да, я сукыраячак, я акылга зәгыйфьләнәчәк, диделәр. Әнием дәваханәдә ятканда, әти безне – дүрт баласын ияртеп, әни янына алып бара иде. Соңгы көннәрендә әниләрен күреп калсыннар, дип уйлаган булгандыр инде. Ходайның рәхмәте белән әнием исән калды һәм 82 яшендә бакыйлыкка күчте. Саннар белән юраучы ханымның сүзләреннән соң, мин бик озак уйланып йөрдем. Ә бит әнигә юкка гына яңадан 40 ел гомер өстәлмәгән, абыемның балаларын карап үстерергә тиеш булган, дип уйлыйм. Абыем өйләнеп, хатыны белән ике балага гомер бүләк итеп, матур яшәгән чакларында җиңги 26 яшендә яман чирдән үлеп китте. Ятим калган балаларның өлкәненә өч яшь булса, кечесенең яңа бер яше тулган иде. Әнием оныкларын үз канаты астына алып, тәрбияләп үстерде».
«Аллаһы Тәгалә кешегә берничә сайлап алу юлын бирә. Без, кайвакыт, язмышка сылтанабыз. Ә чынында исә, һәркемнең язмышы үз кулында. Кешегә гомернең нәкъ Ходай биргәненә 100 процентка ышанам. Ниндидер очракларда, яшәү җебе өзелә язып та, исән калганнарны беләбез. Берничә ел элек бер ханым үзен нумеролог (саннар ярдәмендә юраучы) дип таныштырды да, саннар буенча үткән гомеремне тикшереп карарга тәкъдим итте. Мин мондый әйберләргә бик ышанып бетмим. Тик бу ханым әнием белән булган фаҗига турында һәм шул вакыйгадан соң, аның яңадан 40 ел яшәгәнен санап чыгарып әйтте. Әнигә 42 яшь булганда, ул ат арбасыннан башы белән егылып төшеп, бик зур каза күргән иде. Табиблар башта аның исән калырына бөтенләй ышанмады. Исән калса да, я сукыраячак, я акылга зәгыйфьләнәчәк, диделәр. Әнием дәваханәдә ятканда, әти безне – дүрт баласын ияртеп, әни янына алып бара иде. Соңгы көннәрендә әниләрен күреп калсыннар, дип уйлаган булгандыр инде. Ходайның рәхмәте белән әнием исән калды һәм 82 яшендә бакыйлыкка күчте. Саннар белән юраучы ханымның сүзләреннән соң, мин бик озак уйланып йөрдем. Ә бит әнигә юкка гына яңадан 40 ел гомер өстәлмәгән, абыемның балаларын карап үстерергә тиеш булган, дип уйлыйм. Абыем өйләнеп, хатыны белән ике балага гомер бүләк итеп, матур яшәгән чакларында җиңги 26 яшендә яман чирдән үлеп китте. Ятим калган балаларның өлкәненә өч яшь булса, кечесенең яңа бер яше тулган иде. Әнием оныкларын үз канаты астына алып, тәрбияләп үстерде».