🌺Төркиядә булмаган кеше сирәк инде хәзер, Америка ачмам, язарга сүз биргәч, язарга кирәк.

🌺Төркиядә булмаган кеше сирәк инде хәзер, Америка ачмам, язарга сүз биргәч, язарга кирәк.
Без 5 тапкыр булганбыз бугай. Беребез 5, беребез 6, ди, чутына чыгалмадык🙈.
Башта гомуми өлешен язам, маҗараларын ахырдан🤝
Всё включено белән барган безнең ил кешесе баштагы 3 көнне подносына бөтен төрле ризыкны тутырырга теләп өстәленә ничә рейс ташый торгандыр, карап торсаң- әкәмәт. Узган ел берәүнең поднос тутырып пахлава алып килеп утырганына байтак кешенең исе китеп фото- видеога төшердек. Аның исе дә китмәде...3нче-4нче көнне инде ансын эткәләп, монсын төрткәләп йөри башлыйсың. Мин ничә барсам да кыяр- помидор, токмачлы дөгеләрен ашап кайтам. Марс көлә, үзебездә кыяр- помидор булмагач, ди. Тәмле аларның кыяр- помидорлары. Отельнен ничә йолдызлы булуы чынында нәрсәдән торадыр, 4+ һәм 5+ нең аермасын без территориянең зурлыгы һәм ашауда затлырак фруктылар, кәрәзле бал булуда гына күрдек. Ә болай, барсында да бертөрле ризык, стандарт бүлмәләр. Путёвка бәясенә отелънең дингезгә якын урнашуы да тәэсир итә.
Сиде шәһәрендә борынгы корылмалар, архитектура сакланган җирләр күп. Тарих белән кызыксынган кешеләргә искиткеч урын. 2 баруда да, борынгы кешеләрнең бернинди заманча коралсыз, кул көче белән шундый ныгытмалар төзи алуына шаккатып карап йөрдек.
Алания- иң җылы шәһәре. Андагы отель- руслашмаган, Европа кешеләре өчен иде. Бер чәшке чәй сорап алалмый интеккән истә. Бөөөөтен нәрсә бар, нинди генә затлы ризвклар юк, түлке чәй табалмыйбыз. Ярты сәгатьләп анлашырга маташкач, көчкә чыгардылар. Отельгә урнашкач, баштагы көннәрдә үзләренең магазиннарына лимузинга утыртып бушлай сәяхәткә алып баралар. Баштагы баруларда мәҗбүри кебек хис итеп бара идек, сонгыларында тыңлап та тормадык. Мәнге онытасым юк берсен. Апа белән әле теге тунны , әле монсын тоткалап йөрибез күңелләре булсын, дип. Берсенең бәясен сорагач, дэвушка, эта цена не для впс, эта цена для европейцев, дип безне мыскыл иткән иде. Ээээх, 400меңеңне чыгарып биреп ал идең теге тунны, күзе шакмак булсын иде, дип үзебезне юаткан булабыз.
Кемер шәһәре табигатен яратып(Абхазиянең Гаграсы кебек, тик таулары урмансыз), тагын шул шәһәргә бардык.
2010да беренчесен, 2025тә әлегә соңгысын бардык. Соңгы елларда барганда безгә ничектер,беренче барган еллардагыдан безгә карата( шәхсән безгә түгел) отношение аерыла кебек тоелды. Елмаюлары да эчкерсез кебек түгел, күзләре дә усалрак карый, үзләре дә наглыйланган кебек тоелды. Базарда да сирәк сатулашалар.
Маҗарасыз булмый безнең сәяхәтләр.
Баруга тәмле телләре белән хамамга баруны тәкъдим итәләр. 2нче баруда да киттек шулай. Баргач бит әле тагын өстәмә массажын, тегесен - монсын да тәкъдим итәләр. Массаҗ ясатып йөреп, уҗинга соңга калган идек.
Мин үзем дингезгә баргач дингездә ятуны хуп күрәм. Әлеге дә баягы, бала- чага белән баргач, аларның күнелен күрәбез, дип, пиратский корабль белән 12 сәгатьлек экскурсия алдык. Баруын бардык, кайтканда трюмдагы туалетта унитаз кочаклап кайттым, аннары 2 көн буе ризык исенә дә чыраем яшелләнеп йөрдем.
Беренче бару- иң истәлеклесе. Рамил җизни кемнән ишеткәндер, анда урыс аракысы, тәмәкесе кыйбат икән, алып барып саталар, икән диде. Безнең базда өй салганнан калган, этикеткалары күгәреп беткән аракы бар иде. Ышанмыйча гына 2-3не алдык, тәмәкене дә иң очсызлыны алдык. Җизни кыйммәтле аракы- тәмәке алды. Кичке ужиннан соң прогулкага чыкканда, яр буена тезелгән кафе- рестораннарга сатып бетерделәр. Безнең күгәргән шешә белән очсызлы тәмәкене шундук, тартып диярлек алганнар. Соңыннан, әзрәк акыл кергәч уйлыйбыз, соң, шунда алар кереп киткәч, аларны чыгармасалар, берәр гаеп таксалар, яр буендагы 2 татар хатыны нишли алабыз инде. Уффф, искә төшсә хәзер дә шаккатам. Но аларны саткан акчага бөтен туган- тумачага одеало кадәр мунча тастымаллары алып кайткан идек.