16.04.2026 12:05
Микрофон һәм ҡәләм урынына – туп: медиаберләшмә вәкилдәре бер майҙанға йыйылды
🏐 Микрофон һәм ҡәләм урынына – туп: медиаберләшмә вәкилдәре бер майҙанға йыйылды.
Башҡортостан киң мәғлүмәт саралары араһындағы волейбол турниры ике тиҫтә йылдан ашыу үткәрелеп килә. Быйылғы уйын да журналистарҙы, радио-телевидение хеҙмәткәрҙәрен, сәнғәт һәм дәүләт эшмәкәрҙәрен, шулай уҡ волейбол яратыусыларҙы бер майҙанға тупланы. Был ваҡиға ғәҙәти спорт ярышы ғына түгел, ә медиа өлкәһендәгеләр өсөн күптән инде аралашыу һәм тәжрибә уртаҡлашыу өсөн иң матур осрашыу урынына әйләнде.
2018 йылдан турнир Башҡортостандың халыҡ артисы Әхәт Мортазин исемен йөрөтә. Күп йылдар дауамында командаларҙың береһенә етәкселек иткән остазыбыҙ ярыш тарихында яҡты эҙ ҡалдырҙы. Уның исемендәге сараның дәрәжәһе лә артты, турнир оло быуын вәкилдәрен дә, йәштәрҙе лә үҙенә йәлеп итә. Был иһә спорт ҡаҙаныштарының ғына түгел, ә рухи-мәҙәни ҡиммәттәребеҙҙең дә ни тиклем мөһим икәнен иҫбатлай.
Турнир йылдан-йыл ҙурая бара: ҡатнашыусылар һаны арта, командаларҙың оҫталығы үҫә, уйындар тағы ла сәмлерәк үтә. Быйыл да волейбол ярышы уйынсылар өсөн дә, көйәрмәндәр өсөн дә барлыҡ уңайлыҡтары булған «Динамо» спорт комплексында уҙҙы.
Был мәртәбәле турнирҙы Башҡортостандың Журналистар союзы, республикабыҙҙың төп медиа ойошмалары — «Рәсәй-Башҡортостан» һәм «Башҡортостан» асыҡ акционерҙар йәмғиәте телерадиокомпаниялары, «Башҡортостан» нәшриәт йорто әҙерләне. Ойоштороусыларҙың берҙәм хеҙмәте һөҙөмтәһендә сара ысын спорт һәм татыулыҡ байрамына әүерелде.
Турнир судьяһы булып Айнур Ҡужахмәтов сығыш яһаны. Ярыш йомғаҡтары буйынса еңеүселәр ошолай билдәләнде:
1-се урын — «Йондоҙҙар» командаһы;
2-се урын — «Аҡ йорт» командаһы;
3-сө урын — "БСТ" командаһы;
4-се урын — республиканың баҫма матбуғат саралары командаһы;
5-се урын — «Радио» командаһы.
Командаларҙы ҡотлайбыҙ! Әхәт Мортазин исемен йөрөткән турнир
медиаберләшмә вәкилдәрен артабан да сәләмәт йәшәү рәүешенә әйҙәһен.
Башҡортостан киң мәғлүмәт саралары араһындағы волейбол турниры ике тиҫтә йылдан ашыу үткәрелеп килә. Быйылғы уйын да журналистарҙы, радио-телевидение хеҙмәткәрҙәрен, сәнғәт һәм дәүләт эшмәкәрҙәрен, шулай уҡ волейбол яратыусыларҙы бер майҙанға тупланы. Был ваҡиға ғәҙәти спорт ярышы ғына түгел, ә медиа өлкәһендәгеләр өсөн күптән инде аралашыу һәм тәжрибә уртаҡлашыу өсөн иң матур осрашыу урынына әйләнде.
2018 йылдан турнир Башҡортостандың халыҡ артисы Әхәт Мортазин исемен йөрөтә. Күп йылдар дауамында командаларҙың береһенә етәкселек иткән остазыбыҙ ярыш тарихында яҡты эҙ ҡалдырҙы. Уның исемендәге сараның дәрәжәһе лә артты, турнир оло быуын вәкилдәрен дә, йәштәрҙе лә үҙенә йәлеп итә. Был иһә спорт ҡаҙаныштарының ғына түгел, ә рухи-мәҙәни ҡиммәттәребеҙҙең дә ни тиклем мөһим икәнен иҫбатлай.
Турнир йылдан-йыл ҙурая бара: ҡатнашыусылар һаны арта, командаларҙың оҫталығы үҫә, уйындар тағы ла сәмлерәк үтә. Быйыл да волейбол ярышы уйынсылар өсөн дә, көйәрмәндәр өсөн дә барлыҡ уңайлыҡтары булған «Динамо» спорт комплексында уҙҙы.
Был мәртәбәле турнирҙы Башҡортостандың Журналистар союзы, республикабыҙҙың төп медиа ойошмалары — «Рәсәй-Башҡортостан» һәм «Башҡортостан» асыҡ акционерҙар йәмғиәте телерадиокомпаниялары, «Башҡортостан» нәшриәт йорто әҙерләне. Ойоштороусыларҙың берҙәм хеҙмәте һөҙөмтәһендә сара ысын спорт һәм татыулыҡ байрамына әүерелде.
Турнир судьяһы булып Айнур Ҡужахмәтов сығыш яһаны. Ярыш йомғаҡтары буйынса еңеүселәр ошолай билдәләнде:
1-се урын — «Йондоҙҙар» командаһы;
2-се урын — «Аҡ йорт» командаһы;
3-сө урын — "БСТ" командаһы;
4-се урын — республиканың баҫма матбуғат саралары командаһы;
5-се урын — «Радио» командаһы.
Командаларҙы ҡотлайбыҙ! Әхәт Мортазин исемен йөрөткән турнир
медиаберләшмә вәкилдәрен артабан да сәләмәт йәшәү рәүешенә әйҙәһен.