24.04.2026 14:16
Намазга кагылышлы сорауларга Алмаз хәзрәт Мөхлисов җавап бирә
Намазга кагылышлы сорауларга "Ак мәчет "Зәйнәб" мәчете имам-хатыйбы Алмаз хәзрәт Мөхлисов җавап бирә.
– «Җәмәгать намазы ялгыз укудан егерме җиде дәрәҗә артык» диләр. Андый савапка ирешү өчен өйдә гаилә белән укыган намаз җәмәгать намазы саналамы? Өйдәге ир-ат җомга намазында булса нишләргә?
– Җәмәгать намазының шарты: аны имамга оеп укырга кирәк. Хатын-кыз имам була алмый. Әгәр өйдә ир-ат булмаса, җәмәгать намазы саналмаса да, савабы, иншәАллаһ, була. Кайбер галимнәр әйтүе буенча, хатын-кыз өйдә намаз укыса, саваплырак та.
– Гаилә белән намаз укыганда кем кая баса? Шуның турында аңлатып китмәссезме?
– Иң алга имам, ягъни ир-ат баса, аның артына – ир балалар. Бер рәт урын калдырып, алар артына хатын-кызлар: әни кеше һәм кыз бала баса.
– Намазны ялан аяк укырга ярыймы?
– Ялан аяк уку намазны бозмый, әмма оек киеп уку хәерлерәк.
– Укылмый калган фарыз намазларың булса, калдырган намазларым өчен дип нәфел намазын уку да җитә дип ишеттем. Дөресме бу?
– Андый вакытта казага калган фарыз намазы дип ниятләргә кирәк. Фарыз намаз – мәҗбүри намаз, ә нәфел ул – саваплы өстәмә намаз. Ншфел намазны укымасаң, гөнаһы юк. Фарыз намазны калдырсак, Аллаһы Тәгалә каршында җавап бирергә туры киләчәк.
– Тәһәҗҗүд намазын төн уртасында тормыйча, сәхәр тәмам дигәнгә кадәр укып өлгерсәң ярыймы?
– Ярый, әмма тәһәҗҗүдне укыйм дип махсус йокыдан уянып уку – саваплырак.
– Икендене өйлә намазыннан соң ук укырга ярыймы?
– Өйлә намазын вакыты чыгып барганда, ә икендене башында укырга туры килгәндә, алар ялганып китә. Өйләне вакыты кергәч үк укыганда, аннан соң икендене укып куярга ярамый. Әбү Хәнифә мәзһәбе буенча, өйлә белән икендене мосафирларга да кушу тыела. Башка мәзһәбләрдә сәфәрдәгеләр аларны кушып укый. Безнең Әбү Хәнифә мәзһәбендә һәр намаз үз вакытында укыла.
Дилбәр Гарифуллина
– «Җәмәгать намазы ялгыз укудан егерме җиде дәрәҗә артык» диләр. Андый савапка ирешү өчен өйдә гаилә белән укыган намаз җәмәгать намазы саналамы? Өйдәге ир-ат җомга намазында булса нишләргә?
– Җәмәгать намазының шарты: аны имамга оеп укырга кирәк. Хатын-кыз имам була алмый. Әгәр өйдә ир-ат булмаса, җәмәгать намазы саналмаса да, савабы, иншәАллаһ, була. Кайбер галимнәр әйтүе буенча, хатын-кыз өйдә намаз укыса, саваплырак та.
– Гаилә белән намаз укыганда кем кая баса? Шуның турында аңлатып китмәссезме?
– Иң алга имам, ягъни ир-ат баса, аның артына – ир балалар. Бер рәт урын калдырып, алар артына хатын-кызлар: әни кеше һәм кыз бала баса.
– Намазны ялан аяк укырга ярыймы?
– Ялан аяк уку намазны бозмый, әмма оек киеп уку хәерлерәк.
– Укылмый калган фарыз намазларың булса, калдырган намазларым өчен дип нәфел намазын уку да җитә дип ишеттем. Дөресме бу?
– Андый вакытта казага калган фарыз намазы дип ниятләргә кирәк. Фарыз намаз – мәҗбүри намаз, ә нәфел ул – саваплы өстәмә намаз. Ншфел намазны укымасаң, гөнаһы юк. Фарыз намазны калдырсак, Аллаһы Тәгалә каршында җавап бирергә туры киләчәк.
– Тәһәҗҗүд намазын төн уртасында тормыйча, сәхәр тәмам дигәнгә кадәр укып өлгерсәң ярыймы?
– Ярый, әмма тәһәҗҗүдне укыйм дип махсус йокыдан уянып уку – саваплырак.
– Икендене өйлә намазыннан соң ук укырга ярыймы?
– Өйлә намазын вакыты чыгып барганда, ә икендене башында укырга туры килгәндә, алар ялганып китә. Өйләне вакыты кергәч үк укыганда, аннан соң икендене укып куярга ярамый. Әбү Хәнифә мәзһәбе буенча, өйлә белән икендене мосафирларга да кушу тыела. Башка мәзһәбләрдә сәфәрдәгеләр аларны кушып укый. Безнең Әбү Хәнифә мәзһәбендә һәр намаз үз вакытында укыла.
Дилбәр Гарифуллина