Тыныч кына яшәү кирәк икән, Кушаяклап алга чапмыйча.
Кушаяклап алга чапмыйча.
Ялгышларны уйлап хафаланмый,
Узганнарда учак якмыйча.
Бүген туган көннең кояшына,
Яңгырына яшәү куанып.
Сагынганда бару якыныңа,
Яңа күлмәк киеп, ясанып.
Хәвефләнми генә гомер чигеп,
Көннең мәсъәләсен чишәргә.
Якын-тирәдәге кешеләрне,
Үзгәртмичә кабул итәргә.
"Шулай булыр" яки "булмас" дигән,
Юк дөньяның гарантиясе.
Төгәл җавап бары бер сорауга:
"Барыбыз да җирдән китәсе..."
Чулпан Насырова